مروة السوري
ضيوف الشرف بإى عمل فنى بيكون ليهم تأثيرهم الخاص وبيكون المشهد لحظتها مكتوب ومتصور بدقه انه يترك طابع مألوف عند الجمهور زى ما جمهور كتير حب ظهور الفنان تامر حسنى مع الفنان أحمد السقا بمسلسل ولد الغلابه
هناك مشهد اتعمل يستحق الكلام عليه بالحلقة التاسعه بمسلسل #قابيل للفنان محمد ممدوح وامينة خليل ومحمد فراج وغيرهم والمخرج خالد الشناوى وكان ضيف شرف الحلقة الفنان أحمد خالد صالح ابن الفنان خالد صالح رحمه الله .
— ممدوح يقدم دور ظابط بيبحث عن قابيل مختطف معظم أبطال المسلسل بكل مكان أخرهم المدافن ولاحظ ان فى واحد بشكل مستمر بيزور المقابر فقرب له وسأله عن سبب زيارته المستمرة وكان رده بسيط ” والدى توفى من سنة هزور مين أعز منه حضرتك لو كنت تعرفه مكنتش هتستغرب انا عارف ان كل واحد بيقول على ابوه انه احسن واحد فى الدنيا بس والله العظيم مكنش فيه ولا أحن ولا أطيب منه وزيارتى المتكررة به هى محاوله لتعويضه عن غيابى المتكرر معه كنت كل يوم بقول هكلمه بكرا هقابله بكرا بس مكنتش أعرف ان بكرا ده ممكن ميجيش ، ممكن أطلب من حضرتك طلب ممكن تسأل على حبايبك ومتستناش لبكرا”
— ومن الواضح أن أحمد صالح شعر خلال المشهد ده أنه بيتكلم عن والده الحقيقى الراحل خالد صالح اللى اكيد أثر بوجدانه وهو بيتكلم ولمحه الحزن بعنيه طول المشهد .